لاہور (نیوز ڈیسک)اداکارہ سدرہ نور نے دوبارہ عاشقی شروع کر دی ۔ تفصیل کے مطابق اداکارہ سدرہ نور نے اپنی پشتو فلم ”عاشقی “ کا کام دوبارہ شروع کر دیا ہے ۔ فلم کو جلد از جلد مکمل کر کے عید الضحیٰ پر ریلیز کیا جائیگا ۔ فلم کی کاسٹ میں ارباز خان ، جہانگیر خان ، سدرہ نور، صوبیہ خان ، آصف خان ، سحر خان سمیت دیگر اداکار شامل ہیں ۔ فلم کے رائٹر درویش اور ہدایتکارہ سدرہ نور ہیں ۔ اس حوالے سے سدرہ نور کا کہنا ہے کہ میں نے اپنی فلم کا 90فیصد کام پہلے ہی مکمل کر لیا تھا مگر بعض مصروفیات کی وجہ سے اس کا کچھ کام باقی رہ گیا تھا جس کو اب میں مکمل کر رہی ہوں ۔ فلم کا سبجیکٹ بڑا خوبصورت ہے اور اس کا پشتو زبان میں بنارہی ہوں ۔ لیکن آئندہ جو نیا پراجیکٹ شروع کروں گی وہ اردو اور پشتو زبان پر مشتمل ہو گا ۔