ممبئی (نیوز ڈیسک)سلمان خان نے نکھل ایڈوانی کی ہدایات میں بننے والی اپنی ذاتی پروڈکشن فلم “ہیرو” کے لیے رات گئے گانا ریکارڈ کروایا۔سلمان خان کی صلاحیتوں کے تو سب ہی معترف ہیں، وہ نہ صرف اداکاری اور رقص میں ماہر ہیں بلکہ پینٹنگ اور گلوکاری کے ذریعے بھی اپنے فینز کا دل جیت چکے ہیں۔بولی وڈ فلم “کِک” میں شامل ان کا گانا ” ہینگ اوور” بہت مقبول ہوا اور اب انھوں نے نکھل ایڈوانی کی ہدایات میں بننے والی اپنی ذاتی پروڈکشن “ہیرو” کے لیے بھی گانا گایا ہے.فلم ”ہیرو“ ہدایت کار سبھاش گھئی کی 1983 کی فلم کا ری میک ہے، اس فلم میں دو نئے اداکار سورج پنچھولی اور اداکار سنیل شیٹھی کی بیٹی اتھیا شیٹھی نے اداکاری کے جوہر دکھائے ہیں.”ہیرو“کا پہلا کٹ دیکھنے کے بعد سلمان سے رہا نہ گیا اور انھوں نے ا±سی رات فلم کے لیے اپنی آواز میں گانا ریکارڈ کرنے کا فیصلہ کیا.دلچسپ بات یہ تھی کہ رات کے درمیانی پہر اگرچہ ریکارڈنگ اسٹوڈیو بند تھا، لیکن چونکہ دبنگ خان فیصلہ کر چکے تھے لہذا ریکارڈسٹ کو بلوا کر اسٹوڈیو کھلوایا گیا اور 5 گھنٹوں کی محنت کے بعد گانا ریکارڈ ہوا.اس محنت پر سلمان خان کی جانب سے سب کو صبح ناشتہ کرایا گیا اور یہ گانا اب ان کے پسندیدہ گانوں کی فہرست میں شامل ہوچکا ہے.سلمان کی آواز میں ریکارڈ کیے گئے اس گانے کا ٹائٹل “میں ہوں تیرا ہیرو”رکھا گیا ہے جسے میوزک ڈائریکٹر امل ملک نے کمپوز کیا ہے۔ یہ گانا جلد ہی ریلیز کردیا جائے گا۔