ممبئی (نیوز ڈیسک) بھارتی حکومت کی جانب سے پورن ویب سائٹس کیخلاف کریک ڈاو¿ن کے فیصلے اور بعد ازاں اسے محدود طور پر واپس لینے کے معاملے پر بالی ووڈا اداکارہ سنی لیون نے معنی خیز تبصرہ کیا ہے۔ سنی لیون عام طور پر سیاسی امور پر اپنی رائے کے اظہار سے گریز کرتی ہیں تاہم چونکہ وہ خود بھی ماضی میں پورن انڈسٹری میں کام کرچکی ہیں اور یہیں سے شہرت پا کے بالی ووڈ میں آئیں تھیں، اسی لئے ان کا تبصرہ بے حد اہمیت کا حامل تصور کیا جارہا ہے۔سنی لیون کا یہ تبصرہ تصویری ہے۔ انہوں نے ٹوئٹر پر اپنے شوہر کے ہمراہ ایک تصویر شیئر کی ہے۔ اس تصویر میں ان کے شوہر ڈینیئل ویبر نے جو ٹی شرٹ زیب تن کررکھی ہے ، اس پر ” سیکس سیلز“ کے الفاظ درج ہیں جو کہ اس جوڑی کے حالیہ پابندی کے فیصلے پر موقف کی واضح مثال ہے۔ اس کے ہمراہ سنی لیون نے دو عدد معنی خیزی کی علامت سمجھی جانے والے سمیلیز بھی بنائی ہیں۔