اسلام آباد(نیوز ڈیسک) ہالی وڈ کے مشہور اداکر ڈینیل کریگ مسلسل چوتھی بار جیمز بونڈ کے روپ میں دکھائی دیں گے‘ کیونکہ جیمز بونڈ سیریز کی ایکشن سے بھرپور فلم اسپیکٹر کا نیا سنسنی خیز ٹریلر جاری جاری کر دیا گیا ہے۔ سیم مینڈس کی ہدایت کاری میں بننے والی اس فلم میں جیمز بانڈ ایک مرتبہ پھر دشمنوں کے تعاقب میں اپنی توانائیاں صرف کرتے دکھائی دیتے ہیں۔ فلم میں جیمز بانڈ کا مشہور و معروف کردار ایک مرتبہ پھر اداکار ڈینیل کریگ نبھاتے دکھائی دیں گے‘ جبکہ دیگر فنکاروں میں کرسٹوف والٹز‘ رالف فائنز‘ مونیکا بیولسی‘ اینڈ یواسکاٹ‘ نومی ہیرس‘ بین وہشاد اور جیسپر کرسٹین سن شامل ہیں۔ ایکشن‘ ایڈونچر‘ کرائم اور جاسوسی پر مبنی بونڈ سیریز کی 24 ویں فلم اسپیکٹر میٹرو گولڈ وین میر اور کولمبیا پکچرز کے تحت 6 نومبر کو سینما گھروں میں نمائش کے لئے پیش کی جائے گی۔