اسلام آباد (نیوز ڈیسک)فلمسٹار میرا کا ایک اور کارنامہ مقامی ہوٹل میں اپنی سالگرہ کی تقریب کا پورابل ادا کئے بغیر منیجر سہیل راشدکے ہمراہ غائب ہوگئی۔
میرا نے گزشتہ روز مقامی ہوٹل میں اپنی 46ویں سالگرہ کی تقریب کا اہتمام کیا جس میں میڈیا کے نمائندوں کو خصوصی طور پر مدعو کیا گیا تھا۔اداکارہ نے اپنے 30قریبی صحافی دوستوں اور فنکاروں کو مدعو کیا تھا لیکن سوشل میڈیا پر منیجرسہیل راشد نے دعوت عام کا اعلان کردیا جس کی وجہ سے ہوٹل میں مختلف اخبارات اور چینلز کے 100سے زائد نمائندے اور فوٹو گرافر تقریب میں شرکت کے لئے پہنچ گئے اس صورتحال کو دیکھتے ہوئے میرا کو اس کے قریبی دوست نے مشورہ دیا کہ وہ فوری غائب ہوجائے ورنہ سب لوگوں کے بل کی ادائیگی کرنی پڑ جائے گی یہ بات سنتے ہی اداکارہ اپنے منیجر کے ہمراہ ہوٹل سے فرار ہوگئی۔ہوٹل کے جی ایم کو جب اس معاملے کا علم ہوا تو اس نے اداکارہ سے رابطہ کیاتو موبائل اٹینڈ کرنے والے نے کہا کہ میڈم مصروف ہیں آپ بعد میں کال کریں۔ذرائع نے بتایا ہے کہ میرا کی دعوت پر کوئی بھی فنکار سالگرہ کی تقریب میں نہیں آیا کیونکہ سب کا کہنا تھا کہ یہ عورت اس قابل نہیں ہے کہ اس کے کسی پروگرام میں شرکت کی جائے بل کی عدم ادائیگی کی خبر سن کر فنکاروں کا کہنا تھا کہ اچھا ہوا کہ ہم سالگرہ میں نہیں گئے ورنہ میرا کی حرکت کے باعث ہماری بھی بدنامی ہوتی۔