لاہور (نیوز ڈیسک ) اداکار اور گلوکار علی ظفر آج پینتیس ویں سالگرہ منا رہے ہیں۔ بالی ووڈ میں علی ظفر کا جادو سر چڑھ کر بولتا ہے۔ میوزک کمپوزر ، گلوکار ، سانگ رائٹر ، پینٹر اور اداکار علی ظفر نے فنی کیرئیر کا آغاز فلم شرارت میں اپنی آواز کا جادو جگا کر کیا۔ علی ظفر کے گانے چھنو کی دنیا بھر میں پچاس لاکھ سے زائد کاپیاں فروخت ہوئیں۔ بالی ووڈ میں علی ظفر کی پہلی ہی فلم ” تیرے بن لادن“نے انہیں مقبول اداکاربنا دیا۔ ”لو کا دی اینڈ“میں مہمان اداکار ، رومانٹک کامیڈی فلم ”میرے برادر کی دلہن“اور ”لندن پیرس نیویارک“میں علی ظفر کی اداکاری شائقین نے پسند کی۔ علی ظفر کو دو ہزار تیرہ میں ایشیا کا پرکشش ترین مرد قرار دیا گیا۔ چشم بد دور ، ٹوٹل سیاپا ، کِل دِل علی ظفر نے بالی ووڈ فلموں میں اداکاری کے ساتھ اپنی آواز کا جادو بھی جگایا۔