کراچی (یو این پی) اداکارہ مدیحہ شاہ نے کراچی میں ڈیرے ڈال لئے۔ آج کل وہ مختلف تقریبا ت میں خصوصی طور پر شرکت کررہی ہیں۔ میڈیاسے گفتگو کرتے ہوئے انہوں نے کہا کہ وہ اب مستقل طور پر کراچی شفٹ ہوگئی ہیں، لاہور جانے کا اب کوئی ارادہ نہیں البتہ کینیڈا جانے کا سو چا جاسکتا ہے۔ انہوں نے کہا کہ کراچی شو بز کا حب بن چکا ہے ، کئی پروڈیوسر ز نے ڈراموں کے لئے رابطے کئے ہیں۔ اچھے سکرپٹ اور کرداروں کی تلاش میں ہر فن کار رہتا ہے اسی لئے میں بھی اچھے سکرپٹ و کردار کی تلاش میں ہوں۔ ان کا کہنا تھا کہ فلم انڈسٹری کا نیا دور ضرور شروع ہوا ہے لیکن افسوس ناک امر یہ ہے کہ اس دور میں فلمی دنیا کے لوگ اس میں سرگرم نظرنہیں آتے۔ٹی وی فنکاروں نے ڈراموں کے بعد فلموں میں کام کرکے ثابت کردیا کہ فنکار کسی میڈیم کا قیدی نہیں ہوتااس کی فنی صلاحیتیں اس کو آگے لانے میں اہم کردار ادا کرتی ہیں۔انہوں نے مزید کہا کہ ٹی وی ڈراموں سے اپنے فنی کیریئر کا آغا ز کیا تھا لہٰذا ٹی وی ڈرامے ضرور کروں گی۔