لاہور(نیوز ڈیسک )اداکارہ نرگس سٹیج ڈرامے کامعاوضہ 25لاکھ روپے وصول کرینگی،ابھی تک انکاریکارڈکوئی بھی اداکارہ نہیں توڑسکی۔ذرائع سے معلوم ہواہے کہ اداکار ہ نے تھیٹرکے ایک معروف پروڈیوسرکے ڈرامہ میں کام کرنے کی حامی بھرلی ہے اوروہ وطن واپس پہنچ کر ڈرامے کاتحریری معاہدہ کریں گی۔نرگس کاڈرامہ عیدالفطرکے موقع پرمقامی تھیٹرمیں پیش کیاجائے گا۔یہ بھی معلوم ہواہے کہ نرگس چارروزبعدوطن واپس پہنچ رہی ہیں اوروہ 19اپریل کواپنی بہن ثمینہ کے بیٹے ا وربھائی خرم کی بیٹی کی شادی کی تقریب میں شر کت کریں گی۔علاوہ ازیں اداکارہ کی ہوم پروڈکشن کے تحت شروع ہونے والی فلم دشمن رانی کاسکرپٹ بھی مکمل ہوچکاہے اوروہ اپریل کے آخرمیں فلم کی شوٹنگ میں حصہ لیں گی۔ان کی فلم عیدالاضحی کے موقع پرنمائش کے لئے پیش کی جائے گی۔یادرہے کہ نرگس نے جب تھیٹرکوخیربادکہاتھا تواس وقت بھی وہ سب سے زیادہ معاوضہ وصول کررہی تھیں۔یوا ین پی کے مطابق ماضی میں انہوں نے عیدوں کے دونوں میں 16سے 18لاکھ روپے تک معاوضہ وصول کیا اورتقریباً تین برس بعد واپسی پربھی وہ سب سے زیادہ معاوضہ وصول کرینگی۔