لاہور(نیوز ڈیسک )معروف ماڈل واداکارفوادخان نے پاکستانی فلم میں کام کرنے کامعاوضہ 2کروڑروپے مانگ کرفلمی حلقوں کوحیران کردیا۔ذرائع سے معلوم ہواہے کہ فلم سایہ خدائے ذوالجلال کے پروڈیوسرنے فوادخان کواپنی فلم میں کاسٹ کرنے کے لئے رابطہ کیاتوانہوں نے دوکروڑ روپے معاوضے کامطالبہ کیاجس پرانہیں شدیدحیرانی ہوئی اورانہوں نے دولاکھ روپے دیکرمعمرراناکوکاسٹ کرلیا۔بتایاگیاہے کہ اس سے قبل فوادخان نے فلمسازسجادگل کی فلم میں کام کرنے سے بھی معذرت کی تھی۔سنجیدہ فلمی حلقوں کاکہنا ہے کہ بالی ووڈفلموں میں جلوہ گرہونے کے بعدپاکستانی فنکارملکی فلمی صنعت کوسپورٹ کرنے کے بجائے پیسے کوترجیح دیتے ہیں۔پاپ گلوکارعلی ظفرنے بھی بالی ووڈ فلموں میں اداکاری کے جوہردکھانے کے بعد پاکستانی فلموں میں کام کرنے سے گریزکیاتھا۔واضح رہے کہ فوادخان کوبھارت میں فلم فیئرایوارڈ ملنے کے بعد بالی ووڈکی تین نئی فلموں میں کاسٹ کیاگیاہے اوروہ بھارت میں متعدد ٹی وی کمرشلزبھی کررہے ہیں۔