گوجرانوالہ(این این آئی)گوجرانوالہ میں ماں نے کالا جادو اتارنے کے نام پر 4 سالہ بیٹی کو زندہ جلادیا۔

پولیس کے مطابق گوجرانوالہ کے علاقے بدر ٹاؤن میں افسوسناک واقعہ پیش آیا جہاں ظالم ماں ہی اپنی بیٹی کی دشمن بن گئی۔پولیس نے بتایا کہ ماں نے کالا جادو اتارنے کے نام پر 4 سالہ بیٹی کو زندہ جلایا، آگ سے بچی کا جسم 60 فیصد تک جھلس گیا جسے علاج کیلئے فوری ہسپتال منتقل کیا گیا۔پولیس کے مطابق واقعے کی اطلاع ملتے ہی کارروائی کرتے ہوئے ماں کو گرفتار کرلیا گیا جبکہ ملزمہ کے ساتھ اس کے 2 بیٹوں اور ایک بیٹی کو بھی حراست میں لیا گیا ہے۔پولیس کے مطابق ملزمہ نے جلتا چولہا اٹھا کر بچی کے جسم کو جگہ جگہ سے جھلسایا، بچی کو آگ لگانے کے دوران دونوں بھائیوں اور بہن نے پکڑ رکھا تھا۔