لاہور(این این آئی)زمان پارک سے گرفتاردہشتگردوں کا تحریک انصاف کی اہم لیڈر شپ سے رابطے اور ان سے ہدایت لینے کا انکشاف سامنے آیا۔میڈیا رپورٹس میں پولیس ذرائع کے حوالے سے کہا گیا ہے کہ گرفتاردہشتگردوں کے پی ٹی آئی کی اہم لیڈر شپ سے رابطے تھے اور لیڈرشپ سے ہدایات لے رہے تھے۔
تمام ملزمان کے رہنماں سے فون نمبرزاٹیچ ہوگئے ہیں، ملزم بخت عالم شانگلہ اورممتازمردان کا رہائشی ہے جو خیبر پختوانخواہ میں رہنماؤں سے رابطے میں تھے۔حکام نے کہا کہ سوات کا عزیز الغنی بھی خیبر پختوانخواہ سے ہدایات لیتا رہا جبکہ مصری شاہ کا اعجاز،اچھرہ کا عبد الغفور اور شاہدرہ کا زوہیب اعجاز چوہدری سے، شالیمار کے نبیل اورسیالکوٹ کے ہنزلہ بھی مسلسل ہدایات لے رہے تھے۔دوران تفتیش ملزم نے بتایا کہ ڈنڈے گرفتاری سے پہلے ٹمبر مارکیٹ سے بنوا کر رکھے ہوئے تھے۔
