لطیف کھوسہ نے عمران خان کی گرفتاری کو غیر قانونی قرار دیدیا

لاہور( این این آئی)پاکستان پیپلز پارٹی کے مرکزی رہنما اور سینئر قانون دان سردار لطیف کھوسہ نے کہا ہے کہ سابق وزیراعظم عمران خان کی گرفتاری غیر قانونی ہے۔اپنے بیان میں انہوں نے کہا کہ عمران خان کے خلاف کیسز میں کوئی وزن نہیں، یہ کچھ بھی نہیں۔

تمام اسٹیک ہولڈرز کو حکمت کا مظاہرہ کرنا چاہیے۔انہوں نے کہا کہ توہین عدالت اس لیے کیا گیا کیونکہ عمران خان بائیو میٹرک کیلئے گئے تھے، کورٹ کے دروازوں کو توڑا گیا اور املاک کو نقصان پہنچایا گیا۔لطیف کھوسہ نے کہا کہ قومی احتساب بیورو نے سپریم کورٹ میں معافی مانگی تھی کہ عدالتی احاطے سے گرفتاری نہیں کریں گے،نیب کا سپریم کورٹ میں تحریری معافی نامہ موجود ہے۔القادر ٹرسٹ کیس کے حوالے سے لطیف کھوسہ نے کہا کہ ٹرسٹ فلاحی کاموں کیلئے ہی ہوتا ہے، عمران خان کی گرفتاری سے ملک میں عوامی رد عمل آیا۔