لاہو ر(این این آئی) مسلم لیگ (ن ) پنجاب کے صدررانا ثنااللہ کی راوی ریور منصوبے کے خلاف کسانوں کو اکسانے کی ویڈیو سامنے آگئی ، جس میں وہ کسانوں سے کہہ رہے ہیں آپ لوگوں کو اکٹھا کریں تاکہ کمیٹی بن سکے۔نجی ٹی وی کے مطابق راوی ریور منصوبے کے خلاف
رانا ثنا اللہ کی موجودگی میں تیار ہونیوالی سازش بے نقاب ہوگئی ، رانا ثنااللہ نے راوی ریور منصوبے کے خلاف کسانوں کو اکسانے کی کوشش کی ، جس کی ویڈیو سامنے آگئی ہے۔ویڈیومیں راناثنااللہ نے پوچھا حلقہ کس کا ہے، جسپر ایک شخص نے بتایارانا تنویر کا ہے، رانا ثنا اللہ نے کہا میں ان سے بات کروں گا آپ وہاں لوگوں کواکٹھا کریں، لوگوں کو اکٹھا کریں تاکہ ایک کمیٹی بن جائے۔ویڈیو میں موجود شخص نے کہا رانا صاحب ہم (ن) لیگ کے ساتھ ہیں مقدمے بھگتے ہیں، ہم تو یہ جانتے ہیں زمین نہیں دینی، رانا تنویر ہمارے ساتھ ہیں ، حکومتی اہلکاروں نے مار پیٹ کی ہم پر اورایف آئی آر بھی ہوئی ہیں۔شخص نے دھمکی دی کہ قبضہ کیا تو حکومت کیساتھ کیا کچھ ہوگا مثال بن جائے گی، راناثنا اللہ نے مکالمے میں کہا ملک پرویز کو چاہیے زمین پر قبضے سے پہلے کچھ کرے، جس پر ویڈیو میں موجود شخص کا کہنا تھا کہ رانا صاحب آپ کو وہاں آنا پڑے گا ہماری رہنمائی کریں۔
