بدوملہی (آن لائن ) سیکرٹری جنرل مسلم لیگ ن احسن اقبال نے کہا ہے کہ گزشتہ چند روز سے اخلاقیات کے مبلغ مفتی عمران خان نیازی بھاشن دے رہے ہیں سیاست میں پیسہ نہیں چلنا چاہئے سیاست میں اخلاقیات ہونی چاہئے ان سے پوچھنا چاہتا ہوں اس اخلاقیات پر خود کتنا عمل کر رہے ہیں عمران نیازی اس بارے میں چمپئن ہو گئے ہیں
جہاں ان کے مفاد پر چوٹ پڑتی ہے وہ پورے نظام کو بدنام کرنے کی کسر نہیں چھوڑتے جہاں مفاد نظر آتا ہے تو وہی اصول جن کا پرچار کر رہے ہوتے ہیں اٹھا کر گٹر میں پھینک دیتے ہیں۔میڈیا سے گفتگو کرتے ہوئے احسن اقبال نے کہا سوال کرتا ہوں آپ الیکشن کمیشن سے کہ رہے ہیں خفیہ ایجنسیوںسے معلومات لیں سینٹ میں کتنا پیسہ چلا ہے تمام ایجنسیاں آپ کے ماتحت ہیں کیا آپ نے ان ایجنسیوں نے معلومات لیں وہ کون سے 16 اراکین تھے جن کو پی ٹی آئی کے انہوں نے خود بیچ دیا آپ نے نام نہاد اپنا اعتماد کا ووٹ حاصل کرنے کے لئے ان 16 ووٹ بیچنے والوں کو اپنے لئے حلال کر دیا ،احسن اقبال نے کہا کہ آپ پاکستان کی تباہی کے ذمہ دار ہیں اب وقت آ گیا ہے قوم آپ سے چھٹکارا حاصل کرے عنقریب لانگ مارچ میں پاکستان کے عوام فیصلہ دیں گے آپ کی حکومت کو مسترد کر چکے ہیں اسلام آباد میں پارلیمنٹ کے سامنے جو غنڈہ گردی کی ہے دنیا مذمت کر رہی ہے انہوں نے کہا کہ عمران نیازی نے پاکستان کی سیاست میں سپورٹس مین سپرٹ کی تعلیم دیں انہوں نے ایسی کھیپ تیار کی ہے جس کا مشاہدہ 2014 قوم نے کیا تھا سیکرٹری جنرل مسلم لیگ ن نے کہا کہ عمران نیازی نے خاتون اسمبلی رکن مریم اور نگزیب پر حملہ کر کے تمام اخلاقی حدیں پار کر دیں ہیں پی ٹی ائی کے قائدین کو بتانا چاہتا ہوں انکے
روئیے نہ رکے تو مسلم لیگ ن کے کارکنان بپھر جائیں گیاافسوس ہے عمران نیازی نے 24 گھنٹے کے باوجود اس واقعے کی مذمت نہیں کی ہے وہ سپریم کورٹ کے چیف جسٹس سے مطالبہ کرتا ہوں اس غنڈہ گردی کا نوٹس لیں تمام فوٹیج موجود ہے اگر ان کرداروں کو سزا نہ دی جائے گی تو یہ فساد ملک کے چپے چپے میں پھیلے گا۔
