لاہور (ا ین این آئی) مسلم لیگ (ن) کے ڈپٹی سیکرٹری جنرل عطا اللہ تارڑ نے کہا ہے کہ وزیر اعظم عمران خان کا کوئی کام نہیں لیکن کروڑوں روپے کے اثاثے ہیں ،نیب کی جو کارگردگی لندن ہائیکورٹ نے بتائی شہزاد اکبر اس کے بارے میں بھی بتائیں،اس پورے کیس میں تین فریق نیب ،حکومت پاکستان تھی اور براڈ شیٹ کمپنی تھی اور

اس میں جرمانہ صرف نیب کو ہوا،شہزاد اکبر نامی شخص کو کہنا چاہتا ہوں کہ ان کے پاس جو ثبوت ہیں انہیں جلا کر ہاتھ سینک لو،فارن فنڈنگ کیس کے التواء کے خلاف الیکشن کمیشن کے باہر احتجاج کریں گے ۔ احتساب عدالت کے باہر عظمیٰ بخاری کے ہمراہ میڈیا سے گفتگو کرتے ہوئے انہوں نے کہا کہ نیب کو لندن میں جو جرمانہ ہوا ہے ِاس کی پوچھ گچھ کون کرے گا،نیب کی کارکردگی کے چرچے توبیرون ملک بھی ہیں ،آج لندن ہائیکوڑٹ میں ایون فیلڈ ریفرنس کی درخواست دی اورپھر واپس لے لی۔انہوں نے کہا کہ پاکستان کے ہائی کمشنر کے اکائونٹ کو منجمد کیا گیا کیا یہ شرم ناک ہے ،آٹا،چینی اورادویات مافیا کا ہر جگہ یہی حال ہے۔ انہوںنے کہاکہ جب ایل این جی سستی تھی تب نہیں منگوائی،عمران خان کو نہ مسئلے او ر نہ اسکے حل کا پتہ ہے ۔ انہوں نے کہا کہ عمران خان کی کوئی کام نہیں لیکن اثاثہ کڑوروں کے ہیں،آپ سیاسی مخالفین کو جیلوں میںڈال دیتے ہو اور بعد میں کانفرنس کرتے ہیں،نیب کے نام سے غبن ہو رہا ہے اس کو کون پوچھے گا ۔ انہوں نے کہا کہ وزیر اعلی صاحب آپ نوٹس نہ لیں، آج شہر گندگی کا ڈھیر بن گیا ہے۔ دوسری جانب مسلم لیگ (ن) اسیر رہا ئی کمیٹی برائے اظہار یکجہتی قا ئد کے سیکر ٹری اطلاعا ت، ممبرپی ڈی ایم رابطہ کمیٹی لاہور محمد سلیم ر ضا نے کہا ہے کہ نالائقوں کی ٹیم ملکی

سلامتی کیلئے خطرہ بنتی جا رہی ہے، حکمرانوں کی نحوست سے ملک میں نیا سے نیا بحران آ رہا ہے، عمران نیازی ملک کیلئے سکیور ٹی ر سک بن چکا،عوام نااہل اور جعلی ”تا بعدار“ حکومت کے خا تمے کیلئے پی ڈی ایم کا سا تھ دیں۔اپنے جاری بیان میں انہو ں نے کہا کہ نالائق اور نااہل حکومت کا اب جانا ہی غریب عوام کو مہنگائی،

بیروزگاری اور مسائل سے نجات دلاسکتا ہے۔ انہو ں نے کہاکہ جعلی نیازی نے تو خودکشی کی نہیں لیکن ان کی نالائقی اورمہنگائی کے جبر سے عوام بجلی اور گیس کے بِلوں میں اضافہ کی وجہ سے خودکشی کرنے پہ مجبور ہو گئے ہیں۔انہو ں نے کہاکہ پی ڈی ایم کے کامیا ب جلسو ں سے حکومتی ایوانو ں میں زلزلہ بر پا ہو چکا ہے ان شا ء اللہ 2021سلیکٹڈ حکومت کے خا تمے کا سا ل ہے۔

موضوعات:عطا اللہ تارڑ