مریدکے (این این آئی) مریدکے کی آبادی گجر ٹاؤن میں پسند کی شادی کرنے پر سسرالیوں نے اپنے گھر دعوت پر بلا کر دامادشہزاد کے ہاتھ پاؤں چارپائی سے باندھ کر چھریوں کے وار کر کے ذبح کر دیا،ملزم فرار ہوگئے پولیس نے نعش تحویل میں لیکر کاروائی شروع کردی۔ بتا یا گیا ہے کہ تھانہ صدر کی آبادی گجر ٹاؤن میں 25سالہ شہزاد نے تین ماہ قبل تہمینہ نامی لڑکی سے پسند کی شادی رچائی سسرالیوں نے پہلے صلح کی اورگزشتہ رات اپنے گھر گجر ٹاؤن داماد اور بیٹی کو شادی کی تقریب میں شمولیتکے لیئے دعوت پر بلایا
اور رات گئے مقتول کو سوتا دیکھ کر سسرالیوں نے مبینہ طور پر ہاتھ پاؤں باندھ دیئے اور چھریوں کے وار کر کے تشدد کیا اور ذبح کر دیا۔جوان بیٹے کا پتہ کرنے اسکے والدین اسکے سسرالیوں کے گھر پہنچے تو گھر کے کمرہ سے بیٹے کی نعش مل گئی جبکہ اس کے سسرالی اور بہو تہمینہ گھر سے غائب پائے گئے جس پر والدین اور اہل علاقہ سراپا احتجاج بن گئے صدر پولیس نے جائے وقوع پر پہنچ کر نعش کو قبضہ میں لے لیا اور قانونی کاروائی کا آغاز کر دیا۔
