لاہور (این این آئی)پاکستان مسلم لیگ(ن) کی مرکزی نائب صدر مریم نواز نے کہا ہے کہ 2018ء کے عام انتخابات میں جو ہوا سینیٹ کے انتخاب بھی اسے دہرایا گیا،جب آپ کٹھ پتلیوں کو مسلط کرتے ہیں اورکٹھ پتلیاں ووٹ کو روند کر آتی ہے تو پھر تاریخی مہنگائی ہوتی ہے،عوام تیار رہیں حکومت کو آخری دھکا لگانا ہے۔پاکپتن میں ورکرز کنونشن میں شرکت کے لئے روانگی سے قبل میڈیا سے گفتگو کرتے ہوئے مریم نواز نے کہا کہ آج کھانے پینے کی ہرچیز کی قیمت میں اضافہ ہو گیا ہے،پیٹرول اور ڈیزل کی قیمتوں میں اضافہ ہو گیا ہے لیکن اس

نالائق او رسلیکٹڈ حکومت کو غریب عوام کی کوئی پرواہ نہیں،ان کو پرواہ ہے تو اس چیز کی کہ نواز شریف کا ائیر کنڈیشنڈ اتروانا ہے، مریم نواز کی آواز بند کرنی ہے،شاہد خاقان کوگرفتار کرناہے۔ا نہوں نے کہاکہ عوام تیار رہیں،حکومت کو آخری دھکا لگانا ہے۔ انہوں نے ایک سوال کے جواب میں کہا کہ نواز شریف کی رہائی کب ہوگی یہ تو اللہ بہتر جانتا ہے لیکن ویڈیو سامنے آنے کے بعد نواز شریف کی بے گناہی ثابت ہو گئی ہے۔ میرے اور عوام کیلئے یہ بات اہمیت کی حامل ہے کہ جس جج نے سزا دی اسی نے ویڈیو میں بے گناہی ثابت کی۔

موضوعات:مریم نواز