اسلام آباد (این این آئی)جعلی دستاویزات پراطالوی پاسپورٹ،ریزیڈنٹ کارڈ لینے والے دومسافر آف لوڈ کر دئے گئے ۔ ایف آئی اے کے مطابق زنارگل اور زیارت شاہ نے خود کو افغان شہری ظاہر کر کے اٹلی کی شہریت حاصل کی،دونوں ملزمان نے تفتیش کے دوران پاکستانی شہری ہونے کا اعتراف کر لیا۔ ملزم نے اعتراف کیا کہ اطالوی
پاسپورٹ اورریزیڈنٹ کارڈ لینے کیلئے جعلی افغان شہریت ظاہر کی۔ملزمان سے تلاشی کے دوران پاکستانی پاسپورٹ حصول کیلئے جمع چالان کی کاپی برآمد کرلی گئی ،ملزمان کے اطالوی پاسپورٹس،ریزیڈنٹ کارڈ و دیگردستاویزات قبضے میں لے لی گئیں۔ ایف آئی اے کے مطابق دونوں ملزمان کے خلاف دھوکہ دہی سمیت دیگردفعات کے تحت مقدمہ درج کرلیا گیا ۔
