اسلام آباد (این این آئی)پاکستان مسلم لیگ (ن )کی ترجمان مریم اورنگزیب نے پٹرول کی قیمت میں اضافے کی مذمت کرتے ہوئے کہا ہے کہ عمران صاحب پاکستان تاریک ِانصاف کا عوام پہ ایک اور پیٹرول بم ۔ایک بیان میں انہوں نے کہاکہ عمران صاحب کنٹینر پہ تو آپ نے تو پٹرول 46 روپے لٹر کرنا تھا؟ ۔ انہوں نے کہاکہ عمران صاحب اب فی لیٹر پر لوٹ کا مال کس کی جیب میں جا رہا ہے ؟ ۔

انہوں نے کہاکہ عمران صاحب آپ نے قوم کی روٹی چھین لی ۔انہوں نے کہاکہ عمران صاحب آپ نے روزگار چھین لیا۔انہوں نے کہاکہ عمران صاحب آپ نے کاروبار چھین لیا ؟ ۔انہوں نے کہاکہ عمران صاحب آئی ایم ایف کا جولائی کا ہدف پورا نہیں ہورہا، اس لئے عوام پر پٹرول بم پھینک دیا؟ ۔انہوں نے کہاکہ عمران صاحب ڈیزل اور پیٹرول مہنگا کرنے سے روٹی مزید مہنگی ہو گی۔