اسلام آباد(مانیٹرنگ ڈیسک) پی ٹی آئی رہنما رمیش کمار کا کہنا ہے کہ جب وزیراعظم عمران خان دورہ امریکا مکمل کر کےوطن واپس پہنچے تو میں ان کے استقبال کے لیے نہیں گیا تھا کیونکہ یہ میرا کام نہیں ہے۔رمیش کمار کا مزید کہنا تھا کہ تحریک انصاف کے رہنما یا کوئی بھی شخص سمجھتا ہے کہ ان کو دورہ امریکا کے بعد عمران خان کا ائیر پورٹ پر
استقبال کرنا چاہئیے تو یہ ان کا قول و فعل ہے اس پر میں کیا کہہ سکتا ہوں۔رمیش کمار نے مزید کہا کہ عمران خان کا امریکا جانا اور وہاں پر پاکستان کی نمائندگی کرنا ان کے فرض میں شامل تھا میں نے ان کو بعد میں امریکا کا کامیاب دورہ کرنے پر مبارکباد دے دی تھی۔یاد رہے وزیراعظم عمران خان دورہ امریکا کے بعد پاکستان پہنچنے تو ائیر پورٹ پر ان کاشاندار استقبال کیا گیا تھا۔
