اسلام آباد (مانیٹرنگ ڈیسک) موبائل فونز پر حکومت نے بھاری ٹیکس عائد کر دیے، ایف بی آر نے نوٹیفیکیشن جاری کر دیا ہے، اس نوٹیفیکیشن کے مطابق 30 ڈالر مالیت تک کے موبائل پر 135 روپے ٹیکس عائد کیا گیا ہے، ایک نجی ٹی وی چینل کی رپورٹ کے مطابق ایف بی آر نے 30 تا 100 ڈالر مالیت کے موبائل پر 1320

روپے ٹیکس عائد کر دیا ہے، سو سے دو سو ڈالر کے موبائل پر 1680 روپے ٹیکس جبکہ 200 تا 350 ڈالر کے موبائل پر 1740 روپے ٹیکس عائد کیا گیاہے، 350 تا 500 ڈالر کے موبائل پر 5 ہزار 400 روپے ٹیکس دینا ہو گا، 500 ڈالر سے مہنگے موبائل پر نو ہزار 270 روپے ٹیکس عائد کیاگیا ہے۔