لاہور (آن لائن) مسلم لیگ (ن) پنجاب کی ترجمان عظمیٰ بخاری نے کہا ہے کہ پاکستان کو پہلی بار انٹر نیشنل بھکاری اور نالائق وزیر اعظم ملا ہے۔ذہنی مریض شخص نے ملکی سلامتی داؤ پر لگادی ہے۔اپنی انا کی تسکین کیلئے اداروں کا وقار بھی داؤ پر لگادیا ہے۔وفاقی،پنجاب اور کے پی کے کی کابینہ کرپٹ سیاستدانوں کے لیے محفوظ پناہ گاہیں بن چکی ہیں۔انٹر نیشنل بھکاری پہلی بار کسی غیر ملکی دورے سے خالی ہاتھ پاکستان

پہنچاہے۔عظمیٰ بخاری نے شہباز گل کے بیان کے ردعمل میں کہاپوری قوم نے دیکھ لیا ہے کہ کس طرح ایک مہرہ استعمال ہو رہا ہے۔پاناما سے اقامہ تک کی پوری کا کہانی ایک جج کی ویڈیو نے بے نقاب کردی۔تحریک فساد نے پانچ سال جن فنانسر کے خرچے پر دھرنے دیے آج وہ فنانسر فسادیوں کو کوس رہے ہیں۔عمران نیازی نے پانچ سال جس طرح جلسوں کے نام پر ڈانس پارٹیاں منعقد کی وہ پوری قوم نے دیکھا۔