اسلام آباد (نیوز ڈیسک) فیشن ڈیزائنر حنا پرویزبٹ نے فیصل آباد مسلم لیگ (ن) کی ریلی پر جانے سے پہلے کہا کہ اس سے پہلے میں منڈی بہاؤالدین کی ریلی میں مریم نواز کے ساتھ تھی، ہم لوگ ساڑھے تین بجے رائے ونڈ سے نکلے تھے اور رات بارہ بجے منڈی بہاؤالدین پہنچے تھے اور ایک بجے مریم بی بی کا جلسہ شروع ہوا تھا، حنا پرویز بٹ نے کہاکہ جلسے میں بے تحاشا لوگ تھے وہ سب بہت

پرجوش تھے، انہوں نے کہا کہ راستے میں ہم کہیں رکے نہیں جب ہم گاڑی کا شیشہ کھولتے تھے تو ریلی میں شریک لوگوں میں سے کوئی قیمے والے نان لا دیتا تو کوئی جوس اور کوئی چپس دے جاتا، اس ریلی میں اتنے زیادہ لوگ تھے کہ جب ہم موٹر وے پر چل رہے تھے تو ہم پچاس کلومیٹر کی رفتار سے اوپر نہیں جا سکے۔ فیصل آباد ریلی کے لیے مریم نواز کے کپڑے حنا پرویز بٹ نے ڈیزائن کئے۔

موضوعات:حنا پرویزبٹ