کراچی (این این آئی)پاکستان پیپلز پارٹی کے چیئرمین بلاول بھٹو زرداری نے چیئرمین سینیٹ صادق سنجرانی کے خلاف تحریکِ عدم اعتماد کے باعث اپنے سینیٹرز کے بیرونِ ملک جانے پر پابندی عائد کر دی۔بلاول بھٹوزرداری نے پاکستان پیپلز پارٹی کے سینیٹرز کو ہدایت کی ہے کہ وہ تحریکِ اعتماد
کا فیصلہ ہونے تک پاکستان سے باہر نہ جائیں۔انہوں نے یہ ہدایت بھی کی ہے کہ سینیٹرز اسلام آباد سے باہر بھی قیادت اور رہنماوں کو آگاہ کر کے جائیں۔ذرائع کے مطابق اس سفری پابندی کا مقصد اپنے نمبرز پورے رکھنا اور کسی بھی صورتِ حال کے لیے تیار رہنا ہے۔
