اسلام آباد( آن لائن ) وزیراعظم عمران خان نے گزشتہ ادوار میں حکمرانوں کے میڈیکل اخراجات اور کیمپ آفسز پر قومی خزانے سے استعمال کی گئی رقم ریکور کرنے کا اعلان کردیا ۔تفصیلات کے مطابق منگل کے روز وفاقی کابینہ کا اجلاس وزیراعظم عمران خان کی زیر صدارت ہوا جس میں گزشتہ ادوار میں حکمرانوں کے میڈیکل اخراجات اور ان کے کیمپ آفسز پر قومی خزانے سے استعمال ہونے والی رقوم پر تفصیلی رپورٹ پیش کی گئی جس پر وزیراعظم نے شدید تشویش کا اظہار کرتے ہوئے اجلاس کے دوران رقم ریکور کرنے کا اعلان کیا اس کے علاوہ وفاقی کابینہ
نے اسلام آباد میں پلاسٹک بیگز پر پابندی عائد کرنے کی منظوری دے دی اور کابینہ نے توصیف ایچ فاروق کو چیئرمین نیپرا لگانے کی بھی منظوری دے دی ۔