اسلام آباد (این این آئی) پاکستان مسلم لیگ (ن)نے جھوٹی خبر دینے پر برطانوی اخبار کے خلاف قانونی کارروائی کرنے کا فیصلہ کرتے ہوئے کہاہے کہ برطانوی اخبار کے علاوہ وزیراعظم عمران خان اور شہزاد اکبر کے خلاف بھی قانونی چارہ جوئی کی جائیگی، پگڑیاں اچھالنے والوں کو قانون کے کٹہرے میں جواب دینا ہوگا۔ ایک بیان میں پاکستان مسلم لیگ (ن) کی ترجمان مریم اورنگزیب
نے کہاکہ جھوٹی خبر دینے پر برطانوی اخبار کے خلاف قانونی کاروائی کرنے کا فیصلہ کیا ہے۔ انہوں نے کہاکہ برطانوی اخبار کے علاوہ وزیراعظم عمران خان اور شہزاد اکبر کے خلاف بھی قانونی چارہ جوئی کی جائیگی۔انہوں نے کہاکہ بے بنیاد خبر سے ساکھ کو نقصان پہنچایا گیا۔انہوں نے کہاکہ پگڑیاں اچھالنے والوں کو قانون کے کٹہرے میں جواب دینا ہوگا۔
