لاہور(این این آئی)قومی احتساب بیورو (نیب) کی جانب سے کینٹ ہاؤسنگ سکیم سیالکوٹ کرپشن سکینڈل میں طلبی کے نوٹس پر مسلم لیگ (ن) کے مرکزی رہنما خواجہ محمد آصف کی اہلیہ اور صاحبزادہ آج (پیر)کے روز نیب میں پیش ہوں گے۔نیب نے خواجہ آصف کی اہلیہ رکن قومی اسمبلی مسرت آصف خواجہ اور بیٹے خواجہ اسد آصف کو گزشتہ ہفتہ طلب کیا تھا تاہم وہ پیش نہیں ہوئے تھے جس پر نیب نے دونوں کو 8جولائی کیلئے دوبارہ نوٹس جاری کیا تھا۔ خواجہ آصف

نے جمعرات کے روزلاہو رمیں میڈیا سے گفتگو کرتے ہوئے دونوں کے نیب کے رو برو پیش ہونے کی تصدیق کی تھی۔دوسری جانب ذرائع کے مطابق نیب کی جانب سے سابق میئر سیالکوٹ توحید اختر اوران کے بھائی نوید اختر کو بھی طلب کیا گیا ہے، کینٹ ہاؤسنگ سکیم کے ڈویلپر زاہد مقبول اور شاہد مقبول کو بھی نیب نے طلب کیا ہے۔ذرائع کے مطابق ملزمان کیخلاف کینٹ ہاؤسنگ سکیم سیالکوٹ کے نام پر کروڑوں روپے وصول کرنے کا الزام ہے۔