اسلام آباد(آن لائن) احتساب عدالت کے جج محمد ارشد ملک نے اسلام آباد ہائی کورٹ کے چیف جسٹس کو خط لکھنے کا فیصلہ کر لیا ہے جس میں وہ مریم نواز کی جانب سے چلائی جانے والی مبیہ ویڈیو سمیت نواز شریف کے فیصلے پر دباؤ کے حوالے سے انہیں آگاہ کریں گے اور ان سے پورے معاملے کی انکوائری کی استدعا کریں گے ۔ تفصیلات کے مطابق احتساب عدالت کے جج محمد ارشد ملک نے اسلام آباد ہائی کورٹ نمبر 2 کو خط لکھنے کا
فیصلہ کر لیا ہے جس میں ان کو مبینہ ویڈیو سمیت دیگر معاملات سے آگاہ کیا جائے گا اور ان سے درخواست کی جائے گی کہ وہ سارے معاملے کی انکوائری کریں تاکہ وہ بے گناہ ثابت ہوں کیونکہ اسلام آباد ہائی کورٹ ماتحت عدالتوں سمیت نیب کورٹ کے معاملات کو دیکھتا ہے ۔ دوسری جانب چیف جسٹس اسلام آباد ہائی کورٹ جسٹس اطہر من اﷲ 28 جولائی تک چھٹیوں پر ہیں اور انہوں نے بیرون ملک کے دورے بھی کرنے ہیں ۔
