لاہور (نیوز ڈیسک) اینٹی نارکوٹکس نے رانا ثناء اللہ کے خلاف منشیات کا کیس میں ایس پی یو کے ڈی ایس پی ملک خالد کو حراست میں لے لیا جبکہ سابق ایس ایس پی رائے ضمیر الحق کی گرفتاری کیلئے بھی چھاپے مار ے جارہے ہیں۔ ڈی ایس پی ملک خالد نے طویل عرصہ فیصل آباد گزارا،ملک خالد کا کچھ عرصہ قبل فیصل آباد سے ایس پی یو تبادلہ کیا گیا تھا۔اے این ایف نے دونوں افسران کی حوالگی کے لئے پنجاب پولیس کودرخواست دیدی۔ ایک نجی ٹی وی

چینل کی رپورٹ کے مطابق ملک خالد نے طویل عرصہ بطور اسپیشل پروٹیکشن یونٹ ڈی ایس پی فیصل آباد میں ڈیوٹی دی، رانا ثناء اللہ کے حلقے سے ایک سابق یوسی چیئرمین کو بھی حراست میں لے لیاگیا ہے۔ ذرائع کے مطابق ملک خالد رانا ثناء اللہ کے قریبی ساتھی ہیں، منشیات کے گروہوں کے سر پر ملک خالد کا ہاتھ ہوتا تھا اور ملک خالد کی پشت پر رانا ثناء اللہ ہوتے تھے۔ اے این ایف ذرائع کا کہناہے کہ رانا ثناء اللہ کیس میں یہ بہت بڑی پیش رفت ہے۔

موضوعات:!رانا ثناء اللہ