لاہور (پ ر) وزیراعلیٰ پنجاب سردار عثمان بزدار نے آزاد کشمیر میں لائن آف کنٹرول کے قریب دھماکے کی شدید مذمت کی ہے۔ وزیر اعلیٰ نے شہید فوجی جوانوں کے لواحقین سے دلی ہمدردی اور تعزیت کا اظہار کیا ہے۔ وزیراعلیٰ نے شہید فوجی جوانوں کی عظیم قربانی کو خراج عقیدت پیش کرتے ہوئے کہا کہ وطن کی حفاظت کیلئے اپنی قیمتی جانیں نچھاور کرنے والے پاک فوج کے بہادر جوانوں کی جرأت کو سلام پیش کرتے ہیں۔وزیراعلیٰ نے

زخمی فوجی جوان کی جلد صحت یابی کیلئے دعا کی ہے۔دوسری جانب وزیراعلیٰ پنجاب سردار عثمان بزدار نے تربیلا جھیل میں کشتی الٹنے سے قیمتی انسانی جانوں کے ضیاع پر گہرے دکھ اور افسوس کا اظہار کیا ہے۔ وزیراعلیٰ نے واقعہ میں جاں بحق افراد کے لواحقین سے دلی ہمدردی اور تعزیت کا اظہار کیا ہے۔ وزیراعلیٰ نے کہا کہ دکھ کی اس گھڑی میں سوگوار خاندانوں کے ساتھ ہیں اور ان کے غم میں برابر کے شریک ہیں۔

موضوعات:سردار عثمان بزدار