اسلام آباد(آن لائن)و زیر اعظم عمران خان نے گورنر پنجاب چوہدری سرور کو تاجروں اور دیگر تنظیموں سے رابطوں کا ٹاسک دیا ہے کہ انہیں اپوزیشن کے احتجاج میں شامل ہونے سے روکا جائے ۔تفصیلات کے مطابق وزیر اعظم عمران خان نے گورنر پنجاب چوہدری سرور کو اہم ٹاسک دیا ہے کہ وہ تاجروں اور صنعت کاروں سے رابطے کریں اور انہیں اپوزیشن کے احتجاج میں شامل ہونے سے روکے اس کے
علاوہ وزیرا عظم نے چوہدری سرور کو تاجروں سے ملاقات میں ان کے مسائل کیلئے فوری اقدامات کرنے کی بھی ہدایت کی ہے جبکہ عمران خان نے گورنر پنجاب کو تمام مکتب فکر کی اہم شخصیات سمیت دیگر اہم غیر فعال رہنماؤںسے بھی ملنے کی ہدایت کی ہے کہ انہیں بھی اعتماد میں لیا جائے ۔اب چوہدری سرور غیر جانبدار رہتے ہوئے تمام پارٹی رہنماؤں کو اکٹھا کرکے اپوزیشن کے احتجاج کو ناکام بنانے کی کوشش کریں گے۔
