لاہور(این این آئی)نئی گاڑی کی رجسٹریشن،ٹرانسفر اور ٹوکن ٹیکس ادائیگی سمیت سیٹ کے حساب سے ودہولڈنگ ٹیکس میں اضافے کا فیصلہ واپس لے لیا گیا۔ایف بی ار کی جانب سے انکم ٹیکس اور ودہولڈنگ ٹیکس کے پرانے ریٹ بحال کردئیے گئے۔ایکسائز حکام کے مطابق گاڑیوں پر سیٹ کے حساب سے اضافہ ٹیکس
کا فیصلہ واپس لے لیا گیا۔گاڑی مالکان سابقہ ریٹس کے مطابق گاڑی کی ٹرانسفر،رجسٹریشن و ٹوکن ٹیکس ادا کرسکیں گے۔نان فائلرز پر ٹیکس کی شرع میں اضافہ کیا گیا ہے۔محکمہ ایکسائز آج بدھ سے سابقہ ریٹس کے مطابق ٹیکس وصولی شروع کردے گا۔ سابقہ ریٹس کو سسٹم میں بھی آج ہی اپ ڈیٹ کردیا جائے گا۔
