اسلام آباد (مانیٹرنگ ڈیسک) طبیعت خراب ہونے پر اڈیالہ جیل سے پمز ہسپتال منتقل ہونیوالے سابق وزیراعظم نواز شریف نے واپس اڈیالہ جیل جانے کیلئے ضد شروع کر دی۔ تفصیلات کے مطابق سابق وزیراعظم نواز شریف کو دو روز قبل طبیعت خراب ہونے پر اڈیالہ جیل سے پمز ہسپتال منتقل کیا گیا تھا۔ نواز شریف اڈیالہ جیل میں ہی علاج کروانے کے حق میں تھے تاہم اپنے پرسنل معالج کی بات پر ہسپتال جانے پر رضامند ہو ئے تھے جہاں ان کا علاج جاری ہے تاہم

اب ذرائع سے اطلاعات موصول ہوئی ہیں کہ نواز شریف نے ہسپتال سے پھر جیل جانے کی ضد شروع کر دی ہے اور مطالبہ کیا ہے کہ انہیں ہسپتال سے جیل منتقل کیا جائے۔ میڈیاذرائع کے مطابق نوازشریف نے ڈاکٹروں کے میڈیکل بورڈ سے دوبارہ جیل بھجوانے کا تقاضا کیا ہے۔جب کہ سابق وزیراعظم کے ذاتی معالج ڈاکٹر عدنان نے میڈیکل بورڈ سےنوازشریف کو جیل نہ بھیجنے کی سفارش کی ہے ۔ان کا کہنا ہے کہ نواز شریف کو ابھی زیر نگرانی رکھنے کی ضرورت ہے۔

موضوعات:نواز شریف