پشاور(نیوز ڈیسک)بنوں میں ایم ایم اے کے انتخابی امیدوارکے قافلے پر بم دھماکے میں امیدوار سمیت سات افراد زخمی ہوگئے،ریمورٹ کنٹرول بارودی مواد موٹر سائیکل میں نصب کیا گیا ،زخمیوں کو ڈی ایچ کیو اسپتال منتقل کردیا گیا ۔پولیس کے مطابق بنوں کے علاقے تختی خیل میں ایم ایم اے کے صوبائی اسمبلی کے حلقہ نواسی کے امیدوار شیرین مالک انتخابی مہم میں مصروف تھے کہ قافلے کے قریب زور دار
دھماکہ ہوا جس کے نتیجے میں شرین مالک سمیت سات افراد زخمی ہوگئے،زخمیوں کو فوری طور پر ڈی ایچ کیو اسپتال منتقل کردیا گیا ،پولیس کے مطابق دھماکے میں ریمورٹ کنٹرول بارودی مواد استعمال کیا گیا جو سڑک کنارے کھڑی موٹر سائیکل میں نصب کیا گیا تھا،پولیس نے علاقے کو گھیرے میں لیتے ہوئے جائے وقوعہ سے شواہد اکھٹے کرلیے،پولیس نے علاقے میں سرچ آپریشن شروع کردیا۔
