اسلام آباد(مانیٹرنگ ڈیسک)احتساب عدالت کی جانب سے سابق وزیراعظم نواز شریف، مریم نواز اور کیپٹن صفدر کے خلاف گزشتہ روز ایون فیلڈ ریفرنس میں فیصلہ سنا دیا ہے ۔ ایون فیلڈ ریفرنس کا تحریری فیصلہ بھی سامنے آگیا ہے جس کے حوالے سے میڈیا میں آنیوالی خبروں کے مطابق تحریری فیصلے میں جج محمد بشیر نے لکھا ہے کہ نواز شریف پر کرپشن ثابت

نہیں ہو سکی تاہم ان کو آمدن سے زائد اثاثوں کے ذرائع ثابت نہ کرنے پر سزا دی جا رہی ہے۔ اس حوالے سے میڈیا پر آنیوالی خبروں پر اب نیب ترجمان کا بھی بیان سامنے آگیا ہے اور اس حوالے سے نیب ترجمان نے وضاحت کرتے ہوئے کہا ہے کہ آمدن سے زائد اثاثے کرپشن کے ہی زمرے میں آتے ہیں ، ان کو کرپشن ہی کے زمرے میں سمجھا جاتا ہے۔

موضوعات:ایون فیلڈ ریفرنس فیصلہ نیب ترجمان