مانسہرہ(مانیٹرنگ ڈیسک ) سابق وزیر اعظم نواز شریف کے داماد کیپٹن(ر) محمد صفدر نے احتساب عدالت سے سزا کے بعد اپنے بھائی سجاد خان کو اپنا سیاسی جانشین مقررکردیا۔میڈیا رپورٹس کے مطابق کیپٹن (ر) محمد صفدر نے احتساب عدالت سے سزا کے باوجود این اے 14مانسہر ہ میں انتخابی مہم جاری رکھی۔اس دوران انھوں نے اپنے بھائی سجاد خان کو اپنا سیاسی جانشین مقرر کرتے ہوئے لوگوں سے اپیل کی کہ وہ ان کی جگہ سجاد خان کو ووٹ دیں جن کا انتخابی نشان ٹینک ہے۔
ہزارہ سے تعلق رکھنے والے مجھ جیسے ہزاروں بیٹے میاں نواز شریف پر قربان ہیں،اب یہ مشن سجاد خان پورا کرے گا۔کیپٹن(ر) صفدر احتساب عدالت کے فیصلے سے قبل بھی تورغرکے گاوں ٹلی سیداں، برادڑ اوردیگردیہی علاقوں میں اپنی انتخابی مہم میں کارکنوں سے ملاقاتیں کرتے رہے اورچھوٹی چھوٹی ریلیوں میں شریک رہے۔واضح رہے کہ اس سے پہلے نجی ٹی وی 24نیوز نے دعویٰ کیا تھا کہ نیب نے کیپٹن(ر)صفدر کو گرفتار کرلیاہے۔
