اسلام آباد(مانیٹرنگ ڈیسک)ایون فیلڈ ریفرنس پر آج احتساب عدالت نے فیصلہ سنانے کا اعلان کیا ہے جبکہ گزشتہ روز نواز شریف ، مریم نواز کے وکلا کی ٹیم نے فیصلے کو مؤخر کرنے کیلئے درخواست دائر کر دی تھی جس پر آج احتساب عدالت میں سماعت ہوئی ، نواز شریف کی فیصلہ مؤخر کرنے کی درخواست پر سماعت احتساب عدالت کے جج محمد بشیر نے کی ، نیب پراسیکیوٹر اور ملزمان کے
وکلا کے دلائل سننے کے بعد جج محمد بشیر نے ایک گھنٹے کیلئے فیصلہ محفوظ کر لیا جو کہ آج 11بجے سنایا جائے گا۔ نواز شریف کی درخواست کو اگر تسلیم کر لیا گیا تو پھر 7روز کیلئے ایون فیلڈ ریفرنس کا فیصلہ مؤخر کر دیا جائے گا جبکہ اگر نواز شریف، مریم نواز کی فیصلہ مؤخر کرنے کی درخواست مسترد کر دی گئی تو ایون فیلڈ ریفرنس کا فیصلہ آج ہی نماز جمعہ سے پہلے سنا دیا جائے گا۔
