اسلام آباد(نیوز ڈیسک)الیکشن کمیشن نے پاکستان تحریک انصاف سے امیدواروں سے حلف نامے لینے سے متعلق معاملے پر 9جو لاء تک تحریری جواب طلب کر لیا۔جمعرات کو الیکشن کمیشن میں تحریک انصاف کے امیدواروں سے حلف نامے لینے سے متعلق کیس کی سماعت ممبر سندھ عبدالغفار سومرو کی سربراہی میں تین رکنی کمیشن نے کی سماعت کے دوران درخواست گزار ملک محمد منیر اور را وقاص ارشاد کے وکیل طاہر جمیل بٹ الیکشن کمیشن کے سامنے پیش ہوئے جبکہ تحریک انصاف کے وکیل بابر اعوان کے ایسوسی ایٹ وکیل

الیکشن کمیشن پیش ہوئے ،بابر اعوان کے ایسوسی ایٹ وکیل نے کہا کہ بابر اعوان سپریم کورٹ میں مصروف ہیں،کچھ وقت دیا جائے،درخواست گزار کے وکیل طاہر جمیل بٹ نے کہا کہ پی ٹی آئی حلف ناموں سے متعلق کیس میں تاخیر حربے استعمال کر رہی ہے،انہوں نے قانون کا مذاق بنایا ہوا ہے، یہ الیکشن کمیشن کے ضابطہ اخلاق کی خلاف ورزی کر رہے ہیں،الیکشن کمیشن نے پاکستان تحریک انصاف سے امیدواروں سے حلف نامے لینے سے متعلق تحریری جواب طلب کرتے ہوئے،الیکشن کمیشن نے کیس کی سماعت نو جولائی تک ملتوی کر دی۔