راولپنڈی(آئی این پی ) آرمی چیف جنرل قمر جاوید باجوہ سے افغان سفیر نے ملاقات کر کے اہم امور پر تبادلہ خیال کیا گیا، افغان سفیر نے دونوں ملکوں کے درمیان باہمی تعلقات کی بہتری پرجنرل قمر جاوید باجوہ کے کردار کی تعریف کی ۔پاک فوج کے شعبہ تعلقات عامہ(آئی ایس پی آر) کے مطابق پاکستان میں تعینات افغان سفیر ڈاکٹر عمر زخیل وال نے جنرل ہیڈ کوارٹرز کا دورہ کیا

اور آرمی چیف جنرل قمر جاوید باجوہ سے ملاقات کی۔ اہم ملاقات میں باہمی دلچسپی کے امور اور خطے کی سلامتی کی صورتحال پر تبادلہ خیال کیا گیا جب کہ اس دوران افغانستان کی سلامتی کی صورتحال پر بھی بات چیت کی گئی۔ افغان سفیر نے دونوں ملکوں کے درمیان باہمی تعلقات کی بہتری پر پاک فوج کے سربراہ جنرل قمر جاوید باجوہ کے کردار کی تعریف کی۔