اسلام آباد(مانیٹرنگ ڈیسک)بیگم کلثوم نواز کی صحت میں بہتری، نواز شریف نے وطن واپسی کی تیاریاں شروع کر دیں، رواں ہفتے کسی بھی وقت لندن سے پاکستان پہنچ سکتے ہیں، وطن واپسی کے موقع پر سابق وزیراعظم کیساتھ غیر ملکی صحافیوں اور مبصرین بھی ہمراہ ہونگے۔ تفصیلات کے مطابق بیگم کلثوم نواز کی صحت میں بہتری آنے کے بعد نواز شریف نے وطن واپسی کی تیاریاں شروع کر دی ہیں اور وطن واپسی کے موقع پر ان کے ساتھ غیر ملکی صحافیوں اور مبصرین بھی ہمراہ ہونگے ، اس حوالے سے تمام تیاریاں مکمل
کر لی گئی ہیں۔نجی ٹی وی رپورٹ کے مطابق نواز شریف وطن واپسی کے بعد انتخابی مہم میں بھرپور حصہ لینگے اور مختلف شہروں میں جلسے کرینگے انکی وطن واپسی کے حوالے سے حتمی تاریخ سامنے نہیں آسکی ہے۔ نجی ٹی وی رپورٹ کے مطابق نواز شریف کےساتھ آنے والے صحافیوں کو پنجاب اور خیبر پختونخوا کے دورے کرائے جائیںگے اور الیکشن میں مبینہ قبل از وقت دھاندلی سے آگاہ کیا جائے گا ۔ غیر ملکی صحافی و مبصرین پنجاب اور خیبرپختونخوامیں انتخابی مہم میں آزادی کے علاوہ ترقیاتی کاموں کا جائزہ بھی لینگے۔
