اسلام آباد(مانیٹرنگ ڈیسک )انتخابی گوشواروں میں 60سے زائد سیاستدانوں کی دو بیویوں کا انکشاف سامنے آیا ہے جبکہ 24انتخابی امیدوار ایسے ہیں جن کی 3بیویاں ہیں ۔ دو بیویوں والے سیاستدانوں میں تحریک انصاف کے مرکزی ترجمان فواد چوہدری اور مسلم لیگ ن کے رہنما و سابق وفاقی وزیر خواجہ سعد رفیق بھی شامل ہیں جبکہ دو بیویوں کے حوالے سے شہباز شریف اور حمزہ شہباز کو منفرد باپ بیٹا ہونے کا اعزاز بھی حاصل ہو گیا اسی ضمن میں اب
سابق وزیراعلیٰ پنجاب شہباز شریف کے حوالے سے سنسنی خیز انکشاف سامنے آیا ہے کہ موصوف تین بیویوں کے شوہر ہیں۔ نجی ٹی وی پروگرام میں گفتگو کرتے ہوئے معروف صحافی چوہدری غلام حسین نے دعویٰ کرتے ہوئے کہا ہے کہ شہبازشریف نے ایک سابق ایڈوکیٹ جنرل سے تیسری شادی کی ہوئی ہے اور اس کو ایک سال ہو چکاہے ، میں اس کا ڈیٹا سامنے لے کر آ رہاہوں ۔ چوہدری غلام حسین نے یہ دعویٰ نجی ٹی وی پبلک نیوز کے پروگرام میں گفتگو کے دوران کیا ہے۔
