اسلام آباد (نیوز ڈیسک) معروف صحافی ڈاکٹر شاہد مسعود کے ایک نجی ٹی وی چینل کے پروگرام میں کیے گئے تجزیے کے حوالے سے ایک موقر قومی اخبار کی رپورٹ میں کہا گیا کہ مسلم لیگ (ن) ایم کیو ایم کی طرح ن لیگ لندن اور ن لیگ پاکستان بن چکی ہے، ڈاکٹر شاہد مسعود نے کہا کہ بیچ میں ایک پی ایس پی بھی چوہدری نثار علی خان کی صورت میں سامنے آ چکی ہے، ڈاکٹر شاہد مسعود نے کہا کہ شہباز شریف نے نئے آئین کا جو
آئیڈیا دیا ہے وہ ان کا نہیں بلکہ کسی اور کا ہے۔ سینئر صحافی نے کہا کہ ن لیگ لندن کو صرف خلائی مخلوق نظر آتی ہے اور ن لیگ پاکستان کو خلائی مخلوق نظر نہیں آتی اس کا اصل کام صرف عمران خان کو کوسنا ہی لگتا ہے، ڈاکٹر شاہد مسعود نے کہا کہ شہباز شریف نے نئے عمرانی معاہدے کی بات کی ہے، انہوں نے کہا کہ شہباز شریف کو پتہ ہی نہیں کہ عمرانی معاہدے کی بات صرف پاکستان میں انتشار بڑھانے کے لیے کی گئی ہے۔
