راولپنڈی (نیوز ڈیسک) پاکستان تحریک انصاف کے رہنما راجہ نعیم نواز نے کہا ہے کہ علیم خان نے بتایا کہ ہم پر خلائی مخلوق کی پریشر ہے اس کے بغیر ایک قدم بھی نہیں اٹھا سکتے، خلائی نے جسے کہا اسی ٹکٹ دیا ، ٹکٹوں کے نام پر پی ٹی آئی نے 100ارب اکٹھا کیا۔ پاکستان تحریک انصاف کے پلیٹ فارم سے کچھ عرصے سے کوشش کررہے ہیں

گزشتہ روز تحریک انصاف کے رہنما علیم خان نے مجھے لاہور بلوایا اور کہا کہ پارٹی نے آپکا ٹکٹ کلیئر کردیا ہے اس کیلئے جس بندے کو صوبائی ٹکٹ دیا ہے وہ 25لاکھ اور قومی اسمبلی والا 50لاکھ جمع کروائے گا تو میں نے چیک کے ذریعے 25لاکھ روپے انہیں دیئے۔ اب اس پر میں خان صاب کو وہ الفاظ یاد کروانا چاہتا ہوں جس میں انہوں نے کہا تھا کہ میں قوم سے جھوٹ نہیں بولتا اور مجھے یقین ہے کہ وہ اب بھی جھوٹ نہیں بولتے لیکن انکے آگے پنجا ب میں جو نمائندے بیٹھے ہیں وہ انتہائی منافق ہیں لیکن انکے دینے کا طریقہ کار بھی ٹھیک ہے ایک مہینے سے صرف اس لیے ٹکٹ روکے کہ وہ احتجاج نہ کریں۔ گزشتہ رات میں کچھ دوستوں کے ساتھ عمران خان کے گھر بنی گالہ گیا جہاں پر فواد چوہدری اور زولفی بخاری بھی موجود تھے خان صاحب نے میرے سامنے علیم خان کو میسج کیا کہ پی پی 33-34کا ٹکٹ راجہ نعیم نواز کو دیں ۔ اسکے بعد ہم زمان پارک گئے تو علیم خان نے مجھے روک کر کہا کہ 33-34سے ٹکٹ آپ کو دے دیا جائے گا آپ خان صاحب کے پاس نہ جائیں میں نے کہا کہ مجھے صرف یہ وجہ بتائیں کہ ٹکٹ کیوں روکے ہمارے پیچھے بہت بڑی طاقتیں ہیں وہ ہی طاقتیں ہیں جن کو آپ خلائی مخلوق کہتے ہیں جو لوگ انہوں نے بھیجے ہیں انہیں ہی ٹکٹ دے رہیے ہیں۔ انہوں نے کہا میں نے کہا کہ زیادہ ٹکٹیں (ق) لیگ کو دی جاری ہیں اب سب فراڈ کررہے ہیں ۔ 100ارب روپیہ اکٹھا کیا ہے پاکستان کا مستقبل اب علیم خان جسے چورڈاکو کے حوالے کیا جائے گا۔