دبئی (نیوز ڈیسک)متحدہ عرب امارات نے پاکستان اور بھارت پر کشمیر کا مسئلہ حل کرنے کے لئے زور دیا ہے۔بھارتی اخبار کے مطابق متحدہ عرب امارات کے اعلیٰ ذریعے نے کہا ہے کہ بھارت اور پاکستان خود مختار ملک ہیں جنھیں مل کر کشمیر کا مسئلہ دو طرفہ طور پر حل کرنا چاہیے۔اخبار کے مطابق عرب امارات نے کہا کہ اگر بھارت اور پاکستان ایک دوسرے
کے ساتھ کام کریں تو یہ ہمارے لئے بہت بہتر ہوگا کیونکہ دونوں ممالک امارات کے لیے بہت اہم ہیں۔ واضح رہے کہ پاکستان مسئلہ کشمیر پر اقوام متحدہ کی قراردادوں کے مطابق مسئلے کے حل پر زور دیتا ہے جبکہ بھارت اقوام متحدہ کو خاطر میں نہ لاتے ہوئے کشمیر کو اپنا اٹوٹ انگ قرار دیتا ہے اور مسئلہ کشمیر پر مذاکرات میں آج تک اس نے کسی کی ثالثی کوقبول نہیں کی۔
