اسلام آباد(مانیٹرنگ ڈیسک)تحریک انصاف کو الیکشن سے قبل ناقابل تلافی نقصان، جہانگیر ترین اور شاہ محمود قریشی کے درمیان جنگ نے پی ٹی آئی کا جنازہ نکال دیا، ضلع لیہ سے جہانگیر ترین کے حامی گروپ سیہڑ گروپ نے پارٹی چھوڑنے کا اعلان کر دیا۔ تفصیلات کے مطابق جہانگیر ترین اور شاہ محمود قریشی کے درمیان جنگ نے تحریک انصاف کو الیکشن سے قبل ہی ناقابل تلافی نقصان پہنچا دیا ہے اور جہانگیر ترین کے حامی گروپ ضلع لیہ کے سیہڑ گروپ نے
تحریک انصاف کو خیرآباد کہتے ہوئے آزاد الیکشن میں کھڑے ہونے کا اعلان کر دیا ہے۔ سیہڑ خاندان کو جہانگیر ترین تحریک انصاف میں لائے تھے اور تحریک انصاف کی جانب سے سیہڑ گروپ کوعام انتخابات میں ایک قومی اسمبلی اور تین صوبائی اسمبلی کی سیٹیں دی گئی تھیں جس کے بعد نظر ثانی شدہ فہرست میں ان کے مخالف مجید نیازی گروپ کو ٹکٹیں دینے پر سیہڑ گروپ نے تحریک انصاف کو خیرآباد کہتے ہوئے آزاد الیکشن میں حصہ لینے کا اعلان کر دیا ہے۔
