ڈیرہ غازی خان (مانیٹرنگ ڈیسک)ڈیرہ غازی خان میں ایک نوجوان جمال لغاری سے سوال کر کے پھنس گیا ۔ میڈیا رپورٹس کے مطابق دو روز قبل ڈیرہ غازی خان سے تعلق رکھنے والے نوجوان نے لغاری قبیلے کے سربراہ جمال لغاری سے سوال پوچھا لیا کہ آپ پانچ سال کہاں تھے ؟ جس پر سابق ایم این اے جمال لغاری کو کافی شرمندگی کا سامنا کرنا پڑا ۔ جب سابق ایم این اے نے اپنے حلقے کی طرف گئے تو لوگوں نے
ان کی گاڑی روک کر شدید احتجاج کیا کہ جناب آپ پانچ سال تک کہاں تھے ؟ جس کا جمال لغاری کے پاس کوئی جواب نہیں تھا ۔مقامی ووٹر سیف الدین کا کہنا تھا کہ مجھ پر اب دبائو ڈالا جارہا ہے کہ میں نے جمال لغاری سے ایسا سوال کیوں پوچھا مجھے ان سے معافی معانگنی چاہیے ۔ اس کیلئے مجھے کہا گیا ہے کہ میں ایک ویڈیو پیغام بنا کر سابق رہنما کے حق بولوں اور اسے سوشل میڈیا پر اپ لوڈ بھی کروں ۔ نجی نیوز چینل سے گفتگو کرتے ہوئے نوجوان سیف الدین کا کہنا تھا کہ مجھے سوشل میڈیا اور مختلف طریقوں سے ڈرایا دھمکایا جارہا ہے ۔ مجھے کہا جارہا ہے کہ انتخابات ہو لینے دو پھر تمہیں دیکھ لیں گے ۔
