اسلام آباد(مانیٹرنگ ڈیسک)لاہور ہائیکورٹ کا توہین عدالت کی درخواست پر چیئرمین تحریک انصاف عمران خان اور سربراہ عوامی تحریک ڈاکٹر طاہر القادری سے جواب طلب۔ تفصیلات کے مطابق لاہور ہائی کورٹ میں عمران خان اور طاہر القادری کے خلاف توہین عدالت کی درخواست پر سماعت گزشتہ روز ہوئی۔ جسٹس انوار الحق کی سربراہی میں 3 رکنی بینچ نے درخواست کی سماعت کی۔

درخواست گزار اےکے ڈوگر نے موقف پیش کیا کہ 2014 میں عدالت کے منع کرنے کے باوجود عمران خان اور طاہر القادری نے اسلام آباد میں کئی روز دھرنا دیا، دونوں رہنماوں نے طویل دھرنا دے کر توہین عدالت کی، عدالت عمران خان اور طاہر القادری کے خلاف توہین عدالت کی کارروائی کرے۔ عدالت نے نوٹس جاری کرتے ہوئے عمران خان اور طاہر القادری سے 25 مئی کو جواب طلب کرلیا۔