اسلام آباد (مانیٹرنگ ڈیسک)مسلم لیگ ن کو توڑنے کی کوشش کی ہی نہیں گئی ، حکمران جماعت کے 55لوگ اپنا گروپ بنا چکے، معروف صحافی و اینکر عاصمہ شیرازی کی نجی ٹی وی پروگرام میں گفتگو، حامد میر نے
40رہنمائوں کے ایک گروپ کا بھی انکشاف کر دیا۔ تفصیلات کے مطابق نجی ٹی وی چینل کے ایک پروگرام میں گفتگو کرتے ہوئے پاکستان کی معروف خاتون صحافی و اینکر عاصمہ شیرازی نے انکشاف کرتے ہوئے کہا کہ مسلم لیگ ن دھڑے بندی کا شکار ہو چکی ہے اور 55سے 56رہنما اپنا الگ گروپ بنا چکے ہیں۔ انہوں نے کہا کہ اگر احتساب ہونا ہی ہے تو سب کا ہونا چاہئے، یہ نہیں کہ کچھ مقدمات نواز شریف کے کھول دئیے جائیں اور کچھ زرداری کے ۔ اس موقع پر پروگرام میں شریک مہمان پاکستان کے سینئر صحافی و تجزیہ کار حامد میر نے عاصمہ شیرازی کے ن لیگ کے رہنمائوں کے گروپ کی تصدیق کرتے ہوئے ایک اور انکشاف کیا کہ ن لیگ میں ایک اور گروپ بھی بن چکا ہے جس کے لوگوں کی تعداد 40کے قریب ہے۔ واضح رہے کہ اس سے قبل بھی ن لیگ میں دھڑے بندیوں کے حوالے سے خبریں میڈیا کی زینت بنتی رہی ہیں اور اس حوالے سے ختم نبوت ﷺ معاملے پر میر ظفر اللہ جمالی، وفاقی وزیر ریاض پیرزادہ بھی اپنے تحفظات کا اظہار کر چکے ہیں ۔ پروگرام میں شریک حامد میر اور عاصمہ شیرازی نے اس حوالے سے مزید کیا کہا۔۔ویڈیو ملاحظہ کریں
