لاہور ( این این آئی)عائشہ احد ملک نے کہا ہے کہ حمزہ شہباز میرے کیسز کا سامنا کرنے کی بجائے لندن بھاگ گئے ،جو اپنے وطن میں عید نہ کریں وہ ملک اور قوم کے ساتھ کیسے مخلص ہو سکتے ہے۔میڈیا کو جاری اپنے ایک بیان میں انہوں نے کہا کہ حمزہ شہباز اور رانا ثناء اللہ کے خلاف میری ایف آئی آر درج نہیں کی جا رہی میری وکلاء برادری اور سماجی تنظیموں سے حمایت کی اپیل ہے ،
میں نے ہمیشہ ظلم کے خلاف آواز بلند کی ہے ، گزشتہ سات سالوں سے عدالتوں کا دروازہ کھٹکٹا رہی ہوں اب مجھے پورا یقین ہے کہ عدلیہ آزاد ہے مجھے انصاف ملے گا ۔ انہوں نے کہا کہ میر ے اوپر جھوٹے کیسز بنائے گئے جن کا حقیقت سے کوئی تعلق نہیں میں آخری دم تک ظالموں کا مقابلہ کروں گی ۔
