اسلام آباد(مانیٹرنگ ڈیسک) نجی ٹی وی چینل کے پروگرام میں گفتگو کرتے ہوئے سابق گورنر پنجاب مرحوم سلمان تاثیر کے صاحبزادے شہباز تاثیر نے کہاہے کہ ممتاز قادری کو عدالت نے سزائے موت دی تھی اور وہ مجرم تھا۔ اس کو موت کی سزا دینے کے بعد جاہل لوگوں نے اس کا مزار بنا دیا ہے اور وہاں عبادات شروع کر دی ہیں۔ شہباز تاثیر نے کہا کہ دنیا بھر میں جاہل لوگ موجود ہیں جو اس کی طرح کی جہالت کرتے رہتے ہیں۔ کچھ جاہل امریکی لوگوں نے ڈونلڈ ٹرمپ کو امریکہ کا صدر بنا دیا ہے اسی طرح کچھ جاہل لوگوں نے ممتاز قادری کا مزار بنا دیا ہے۔ وہ ایک آئینی اور قانونی مجرم تھا یہ سب کو پتہ ہے۔